即將踏入乙巳（蛇年），舊年過去就不用再提，今日博客就同大家用「廟街式分析」論下今年香港股市經濟。

　　乙巳天干屬木，地支屬火，踏入2025年，不論屬利火命定係火運行業，都會大漲特漲，一片光景，你睇立春都未過，DeepSeek來勢洶洶，就知道屬火嘅科技行業一路有運行，行足20年啦！

　　咁金融業呢？本身九運就不利金融業，而乙巳年本身就利火克金，同大家睇睇歷史。香港對上一個乙巳(1965年)發生咩事呢，根據維基百科資料：小型銀行明德銀號於1月26日擠提，至2月因對地產放款過度而倒閉，引起對華資銀行信心恐慌；4月，恒生再出現擠提，將51%股權售予滙豐後平息。這次事件最後引致1965年香港股災。

　　真係信不信由你，九運、乙巳年，美股納指目前仲有40000幾點，恒指仲有20000點，分分鐘再有一次大股災都唔出奇，咁個泡沫會係邊？博客認為，美股科技股本身估值太高，個泡沫就可能係因為AI、加密貨幣；香港股市其實跌無可跌，最多咪落返萬四五點，但美股40000點打半，就十分之痛了。

　　假如股市下跌，香港樓市就更加不用講了，估值有機會再大減，樓價跌多兩三成機會頗大。

　　博客呢個分析，算係「廟街式分析」，堪輿學並非科學，只能用作參考之用，最緊要買股票就係做足功課，客觀分析，你話係咪？
　　

《編者按》本欄搜羅即市傳聞，惟消息未經證實，《經濟通》亦不保證內容之準確性。

【香港好去處】2025去邊最好玩？etnet為你提供全港最齊盛事活動，所有資訊盡在掌握！► 即睇