《魚缸博客》美國呢兩日好似玩《模擬城市３０００》咁，係ｃｌｉｃｋ政策上，ｃｌｉｃｋ咗「暫停收取鄰國包裹」，之後發現ｃｌｉｃｋ錯左：「哎呀，唔好意思，我取消返先。」　　　你覺得係侵侵ｃｌｉｃｋ錯左，定係純粹係一種「恐嚇式警告」呢？博客就認為係後者，當順豐係美國站穩陣腳之後，所謂「中國式包裹」已經入侵美國，美國人一樣可以感受到「雙十一」、「拼多多砍一刀」嘅威力，產品價廉物美之餘，速遞效率之高，仲有邊個係亞馬遜買貨？　　　正所謂「不招人妒是庸才」，美國本土主義意識到繼續被淘寶入侵只會損害自身網購業務，所以侵侵呢一舉可能係「警告」神州電商，想用「化整為零」方式入侵美國本土網購業嘅日子好快完結。　　　其實神州電商係內地本身已經好難話有太大增長，畢竟內地市場發展左十幾年，個餅就係咁大；但歐美東南亞反而係好大，特別美國人，對於ｔｅｍｕ（母企為拼多多）呢種銷售模式覺得好新穎，所以歐美市場係中國電商最大增長來源。　　　不過新一輪貿易戰開始，似乎加關稅呢招對中國無咩太大作用，係時候會對神州電商動手，仲係咪繼續持有相關股呢？博客覺得可以先行離場觀望下。　《編者按》本欄搜羅即市傳聞，惟消息未經證實，《經濟通》亦不保證內容之準確性。

【強免疫‧抗病毒】3大健康法寶低至$88 (徇眾要求 優惠期延長至25年2月21日)► 了解詳情