《魚缸博客》滙控（００００５）昨日出左業績，無可否認成績表確實靚仔，有派息、又有回購，如果有貨，博客都覺得無理由叫大家賣走，但確實又有理由叫大家賣走。　　　息口其實係銀行業嘅兩面刃，高息口期間，銀行梗係開心仔，因為拆息高銀行利息收入先會高；但拆息低先會更多人借錢，對借貸收入有利，同時拆息平先會令更多人借錢。　　　老實講，自從滙控會左ＣＥＯ之後，走勢係向好；但大家都睇到，經濟差大環境差，各行各業做生意都難，係大環境差但你又做到好生意，得兩個原因：一係你真係叻仔，一係只係隱藏個泡沫。　　　老實講滙控股價靠穩走高，來來去去都係靠「回購」呢招，因為回購佢先穩定，但佢搵到錢先會回購，亦證明佢到業務反映到股價之上。不過，個世事邊有咁完美，對於博客來講，美股「只升不跌」只係一個更大泡沫，個世界合久必分分久必合，今日唔篤爆個泡沫，未來只會跌得更痛。　　　港股其實已經跌左好耐，其實博客覺得未驚過；但美股一爆牽連到全世界，你話我杞人憂天都咁講，博客炒股咁耐，睇住匯控股價由３３蚊升到８０蚊，有大行話睇到１００蚊，只能夠講，高處不勝寒，有賺就好走。　《編者按》本欄搜羅即市傳聞，惟消息未經證實，《經濟通》亦不保證內容之準確性。

醫護之選 | 維柏健【加拿大關節銷售No.1】指定產品買1送1 (優惠期至25/2/2025)► 了解詳情