《魚缸博客》話說最近博客留意到，道指日線好似展現雙頂（當然未完成個走勢），好似係４５０００點有明顯阻力，假如個走勢行完跌返落４２０００點的話，應該會開始回吐，進行一大波調整。　　　咁美股回吐，係咪又代表港股有運行？啲熱錢係咪又會回流返港股呢？博客覺得未必啦，睇圖所見，恒指係２３０００點都係卡住，未有進一步突破，假如呢兩日未見到２４０００關口，預計都係倒頭向下，又係另一雙頂。　　　博客之前都講過，２０２５年環球股市未必係爆升嘅單邊市，而波動為主走勢區間。老實講，ｄｅｅｐｓｅｅｋ炒作話題而言，睇到市場消化得七七八八，而ｄｅｅｐｓｅｅｋ公司本身又未有太多更新推出，或者市場未有太多「新花款」，預計呢一水都應該炒完了。　　　博客認為，有貨人士可以考慮下套現離場；無貨人士可以考慮會唔會ＰＵＴ期指窩輪，或者炒下熊仔，畢竟恒指１４日ＲＳＩ已經去到８０，再要爆上確實有點兒難度。　　　今日係騰訊（００７００）５００元防守戰，如果失守就大家自求多福啦。　　《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇？】《哪吒2》本港上映場次爆滿，實際該片電檢審批僅用1日，你認為該速度應否多加應用在其他本港電影？► 立即投票