红磡香港体育馆｜纪念成军20年  Dear Jane 约定最亲爱的你5月红馆见！

活动简介

身处天台顶楼拍摄海报  谦称音乐天台有很多 『对面重有好多高楼』

2025年是Dear Jane成军20周年纪念大日子，今日公布将于5月11至14日假红馆举行 道地极品解茶系列呈献《Dearest Dear Jane Live 2025》演唱会，与歌迷一起于红馆庆祝。优先订购日期为 : 3月5 至7日，汇丰信用卡持卡人可于 HK Ticketing 网站及热线进行优先订购。

早前他们就为演唱会海报选址天台及楼梯拍摄，四位成员表示，「今次演唱会叫做 《Dearest Dear Jane Live 2025》， 海报概念有啲似系一封信或者一张明信片 ，似系歌迷写信比我哋，又或者系我哋写封信比歌迷，互相分享一啲感受经历，都呼应返我哋第一个红馆演唱会名用写信嘅下款 "Dear Jane Yours Sincerely Live” 去命名。海报喺楼梯影，可以话系代表住音乐里程上嘅每一步。（由楼梯走上天台系唔系完成目标？）唔系啰，哈哈！冇错，天台系一幢楼嘅最高地方，但当你人在天台，你会望到对面有更多更高嘅天台。天台风景好靓，但音乐嘅里程，唔会只系停留喺一栋大厦，走完一幢楼，我们会走向另一幢更高嘅楼！而天台应该系比我哋间中走上来 take a break嘅一个地方，望一望呢个咁靓嘅世界，然後我哋又继续向前行。」

Dear Jane对上一个红馆骚是2021年，四位成员表示 : 「四年无开红馆，今次准备先开4场，名为 ”Dearest” 是『最亲爱的』嘅意思，我觉得如果你嚟我哋演唱会，就会搵到最亲爱嘅朋友。你哋都系我哋『最亲爱的』，我哋嘅歌亦都系你哋『最亲爱的』！入面有好多故事，所以希望整个表演围绕呢个主题。」

今次亦是纪念Dear Jane成军二十周年，问到他们转眼二十年，有什么变化？Jackal (伍汉邦)表示，「好似都冇乜点变，都系对住呢几个人去生活去玩，唔同嘅系多咗好多新歌，同埋回忆起以前嘅一啲旧歌，多咗好多唔同感受。」Howie (翁厚梁) 表示，「我记得刚刚组成乐队嘅时候，Tim仲返紧学，依家都有自己嘅家室，有小朋友，呢二十年系人生嘅一段好长嘅路，我哋最希望喺歌迷嘅人生之中，我哋都占咗一个席位啦！大家陪我哋走咗咁远一段路，呢次演唱会系一个庆祝，一嚟来参一个派对！我哋有好多新环节准备同大家去表演，会献唱我哋好多唔同年份嘅歌曲，音乐上又有新提升，我觉得会几好玩！」

旧年阿Tim喺几场不同演出上面都病过，今次演出之前Tim话希望唔好再中招， 「点样保持健康？冇咩特别㗎，又唔会疯狂操练，我地系用个脑去保持健康啰，哈哈。我地不嬲都系咁上下，燃脂就系喺骚上面发力燃烧自己啦，开骚前反而储多啲能量，哈哈。」
Nice (黎俊华) 就表示，听返《二十年後的歌》，觉得呢二十年都算成功，只系有少量一两个 item未 checklist，其他大部份愿望清单都完成到，而心境上Dear Jane 都无改变过，初心依旧。「咁多年我哋冇谂过目标要去到边，我哋净系想做好每一首歌，想上台唱到呢啲歌，令到大家开心，继续无穷无尽，维持初心。有时都会谂，等自己老咗，呢啲嘅美好就可以留返第时瞓喺床上面慢慢回忆！」

道地极品解茶系列呈献

Dearest Dear Jane Live 2025

日期：2025年5月11至14日

时间：8:00pm

地点：红磡香港体育馆

票价：$1080／$880／$680

主办单位： Warner Music Hong Kong

汇丰信用卡独家优先订票

日期及时间：2025年3月5日上午10:00 至 3月7日晚上11:59

网上购票：www.hkticketing.com 或 快达票应用程式

电话购票：31 288 288（上午10时至晚上8时）