綠在屯門｜綠願冬日在屯門

活動簡介

12月係大家與親朋好友相聚，互送暖意和心意嘅月份，但聚會過後滿地嘅裝飾同禮物包裝，都會同時為地球帶來負擔。今個12月，「綠在屯門」將舉行「綠願冬日在屯門」活動，與各位環保好友相聚之餘，亦齊齊減廢同升級再造，過一個綠惜冬日！

點樣可以過個環保冬日？等小編俾啲小貼士你啦

佈置家居： 用天然松果、乾花DIY裝飾

送禮物： 使用簡約包裝，或以可循環再用物料包裝

親朋聚會： 食得晒先好嗌，減少食物浪費

另外，同大家介紹一下活動內容~ 當日活動十分豐富，有一向好受大家歡迎嘅環保工作坊之外，仲有尋牛記、免費二手市集、環保展覽，同大家分享綠惜聖誕小貼士 ，當然唔少得益智又好玩嘅攤位遊戲，考驗大家對不同環保議題嘅認知，仲有豐富獎品等緊你拎走！

快啲留定以下日子，約定親朋好友一齊到「綠在屯門」啦！

活動：綠「惜」聖誕展覽、環保工作坊、免費二手物市集、攤位遊戲及「尋牛記」特別活動

注意事項：

1. 如有發燒或身體不適，請避免前往「綠在屯門」。

2. 活動期間需按職員指示排隊輪候。

3. 環保工作坊材料由「綠在屯門」提供，活動採用即場報名方式（先到先得，額滿即止）；每名參加者須親身在指定位置排隊等候，並依照排隊次序進行報名。

4. 每節工作坊會於活動前20分鐘開放排隊輪候及報名。

5. 免費二手物市集只會派發，不會進行收集活動。