【日限200碗】日本冠軍拉麵「立体派」登陸中環！搶先日本推出5款拉麵

必試：5款拉麵搶先日本推出！

　　「立体派」今次登陸香港，帶來了連日本都未有得食的5款拉麵！說到拉麵的靈魂，必定是其湯底，所以，大家真係要飲真啲每一啖湯啊！

招牌首選：特級白湯

　　說到店舖的招牌拉麵，必定是這個「特級白湯」。白湯拉麵搭配三大片低溫慢煮日式叉燒及半隻流心蛋，淨係個碗都已經大過人，真的非常「IG-able」。當然，除了睇得之外，都要食得；呢個白湯用了超過6小時來熬製而成，是充滿濃郁鮮味而不是「死咸」的味道。

「特級白湯」＄118元

麵條由日本引入的300公斤重傳統製麵機壓制而成，非常彈牙。

為香港市場特別設計的3款拉麵

　　除了以上的極大碗招牌白湯拉麵之外，還有其餘三款同樣是為香港市場特別設計的拉麵，它們都配上低溫慢煮的叉燒，每一口都可以吃到大滿足！但大家要注意啦，在開業期間，拉麵每日只是限賣200碗，要食就要快啦！

「原味清湯」＄88

「濃厚白湯」＄88

「辣味濃厚白湯」＄88

日本的招牌大熱拉麵：海體醬油湯

　　除了香港限定之外，松村貴大亦帶來他於日本的招牌大熱拉麵「海體醬油湯」。這款拉麵的湯底以日式醬油為主，配上超厚切叉燒，食肉獸必定最喜歡了！

海體醬油湯拉麵　＄88

　　另外，「立体派」其中一個必食的item，一定非「松林餃子」莫屬。日式煎餃好食就係人都知啦，呢款自家製「松林餃子」配上秘製「脆卜卜」辣椒油。提提大家，不要只點「油」，要連沉澱物都點埋；因為它微辣之餘，香脆沉澱物的口感也很好，非常值得一試！

松林餃子　＄35

「立体派」

地址：中環威靈頓街27-29號元益大廈地庫