09/07/2026 11:59
《魚缸博客》日圓跌到落162，有錢的香港人有福了，但似乎危機漸漸迫近！
《魚缸博客》日圓兌美元去到162水平，跌穿160心理關口，即係每百日圓兌港元已經去到4.83水平，香港人而家去到日本，同返大陸消費基本上無咩分別。
博客上Youtube睇幾個後生仔早幾日去東京旅行，1300YEN可以係迴轉壽司食到飽，下午茶整個松屋牛肉飯都係三幾百YEN，夜晚去網吧訓一晚都係千幾YEN，港紙兩百蚊就可以消費一整日。某程度反映緊日本居民購買力下跌，但佢地都唔敢亂加價，因為國民消費水平就係咁低，日本人人均薪水都係33萬日圓，大約就係萬五蚊港紙，住屋、燃氣、飲食、出行樣樣都受中東油價影響，唔怪得日本少女們走去Down to the sea。
日本人由負利率變正利率已經付出好大勇氣，但已經再沒勇氣講加息，因為日債規模已經係全球數一數二，加息意味住每期國債找數要找多啲；但唔加息呢？日圓同美元套息交易已經玩爛左成個系統，套返出來嘅錢又炒返去美日韓台四地股市，日經係呢三年間由25000點炒到上最高71000點，即係話成個日本市場炒高接近兩倍，聽落唔係好高，但用市值計已經去到8.5 萬億至8.7萬億美元，但注意，係有水份的。
而家呢種情況係，大家上左賊船，但誰也下不了船。某程度港股keep仲keep係二萬幾點，博客覺得係國家策略，唔俾佢爆升，同時唔俾佢爆炸，如果今時今日恒指又學日本咁，升到上五六萬點，一下跌落來，中國唔會救、香港救唔到，到時死得重慘。
正所謂「唔啱聽嘅說話你想唔想聽？」，你睇海力士炒到三更窮五更富、美光由1254美元歷史高位，昨晚最低見過900美元。呢啲都係日圓種出來的禍害，無辦法，大家都係同一隻船，睇你敢唔敢跳咁解。
《編者按》本欄搜羅即市傳聞，惟消息未經證實，《經濟通》亦不保證內容之準確性。
博客上Youtube睇幾個後生仔早幾日去東京旅行，1300YEN可以係迴轉壽司食到飽，下午茶整個松屋牛肉飯都係三幾百YEN，夜晚去網吧訓一晚都係千幾YEN，港紙兩百蚊就可以消費一整日。某程度反映緊日本居民購買力下跌，但佢地都唔敢亂加價，因為國民消費水平就係咁低，日本人人均薪水都係33萬日圓，大約就係萬五蚊港紙，住屋、燃氣、飲食、出行樣樣都受中東油價影響，唔怪得日本少女們走去Down to the sea。
日本人由負利率變正利率已經付出好大勇氣，但已經再沒勇氣講加息，因為日債規模已經係全球數一數二，加息意味住每期國債找數要找多啲；但唔加息呢？日圓同美元套息交易已經玩爛左成個系統，套返出來嘅錢又炒返去美日韓台四地股市，日經係呢三年間由25000點炒到上最高71000點，即係話成個日本市場炒高接近兩倍，聽落唔係好高，但用市值計已經去到8.5 萬億至8.7萬億美元，但注意，係有水份的。
而家呢種情況係，大家上左賊船，但誰也下不了船。某程度港股keep仲keep係二萬幾點，博客覺得係國家策略，唔俾佢爆升，同時唔俾佢爆炸，如果今時今日恒指又學日本咁，升到上五六萬點，一下跌落來，中國唔會救、香港救唔到，到時死得重慘。
正所謂「唔啱聽嘅說話你想唔想聽？」，你睇海力士炒到三更窮五更富、美光由1254美元歷史高位，昨晚最低見過900美元。呢啲都係日圓種出來的禍害，無辦法，大家都係同一隻船，睇你敢唔敢跳咁解。
《編者按》本欄搜羅即市傳聞，惟消息未經證實，《經濟通》亦不保證內容之準確性。