《魚缸博客》汽車戰繼續內捲，小鵬似乎更勝一籌！

　　內地汽車戰大大話話都打左年幾兩年，有好多小型車企都捲死左，中型車企都死左一兩間，得返大型車企互相廝殺，不過成績表好似有小小調動！

　　1月小鵬汽車(09868)時隔30個月重回榜首，已連續3個月交付量破3萬輛，打破理想汽車蟬聯24個月的單月交付冠軍紀錄！其中2025年1月，小鵬汽車共交付智能電動汽車30350輛，同比增長268%。
　　
　　據了解，呢次打贏理想，主要係靠MONA M03呢款車型。博客上網睇過，不論車嘅外型定內籠，都同Tesla十分相似：天幕頂、大Mon中控，簡單設計，而且比Tesla多個無線充電、後排冷氣＋type C充電口，但售價只係12萬人仔，咁又真係無得輸啦！

　　另外，小鵬MONA M03連續兩個月交付量超過了15000輛。與此同時，小鵬P7+上市僅兩個月，累計交付已達到20000輛。

　　小鵬一路都係中低路線，但性價比又十分高，博客覺得短期內交付量同口碑都會愈來愈高，預計股價短線會再炒一波！股價催化劑就係銷售量同整體汽車出貨量，相信今年汽車銷售會有小小起色。

《編者按》本欄搜羅即市傳聞，惟消息未經證實，《經濟通》亦不保證內容之準確性。