《魚缸博客》而家仲想入騰訊？炒ＡＩ概念記得趁早！

　　《魚缸博客》話說今日（１７日）全部科技股都因為ＡＩ概念而炒高，甚麼微信加入
ＤｅｅｐＳｅｅｋ功能，其實都唔意外，亦唔新鮮。
　
　　因為ＤｅｅｐＳｅｅｋ係開源，簡單來講全中國科技企業都可以做免費仔，咁百度
（０９８８８）又可以加、小米（０１８１０）又可以加、美團（０３６９０）又可以加，微信
加左係咪又特別有優勢？博客又唔覺得係。
　
　　不過可以肯定係，而家有貨嘅，要預備食胡才是正確；無貨嘅人，亦唔應該好似盲頭烏蠅咁
入場，因為呢個功能加入微信之後，唔係想像中咁犀利，亦未必對盈利有太大幫助，純粹係因為
話題操作而已。
　　
　　咁有乜應該入手？阿里巴巴（０９９８８）、快手（０１０２４）、比亞迪（０１２１１）
、小鵬（０９８６８）、理想（０２０１５），呢類都可以炒作，但又未開波，博客覺得佢地應
該會接住插入ＤｅｅｐＳｅｅｋ功能，畢竟免費仔邊個唔想做？
　
　　接下來，例如科技醫療、機械人概念，都有機會因為ＤｅｅｐＳｅｅｋ而炒高，不過可能講
緊中長期，而且盈利有機會因為ＤｅｅｐＳｅｅｋ而有上升。
　
　　今年將會係「ＤｅｅｐＳｅｅｋ年」，趁而家仲係年頭，要買就趁快啦！
　
《編者按》本欄搜羅即市傳聞，惟消息未經證實，《經濟通》亦不保證內容之準確性。