按盤價 
《魚缸博客》今日市場焦點肯定係隻黑芝麻智能（０２５３３），上一日就傳出消息，比亞
迪（０１２１１）已採用黑芝麻智能車規級自動駕駛計算晶片，搭載車型為比亞迪旗下的騰勢品
牌，股價炒到歷史新高４３﹒８５元，升超過五成；下一日就話與比亞迪合作正常，無重大變動
，同時正值大股東解禁，所以有機會出貨，股價跌足三四成。
以博客炒股多年經驗，呢啲所謂「消息」，加上係升浪期間再突然一支大陽炒高，都係預備
「散貨」跡象，不過多數用係「雞棚」，半新股甚少見，但都唔排除有心人想「搵到盡」，畢竟
個市咁差，想搵多小小都正常。
但係咪代表唔可以落場玩呢？博客覺得又未必，通常有得大資拉扯，未必會係玩一日，只要
能藝高人膽大都一樣可以搵食，莊家打盤玩一日玩完的話，之前所有部署都會浪費曬。
博客建議想落場玩，可以睇住分鐘圖＋ＲＳＩ＋ＭＡＣＤ，純粹鬥手快，同玩恒指牛熊差唔
多，預計聽日可能有新戰場。不過留意返，呢個玩法係要配合「有成交」先可以，如果你見聽日
無乜成交量，就唔好落場啦，同埋呢種玩法有一定風險，要自己考慮清楚！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇？】特朗普當局擬關閉美國國家民主基金會，你認為若其關閉是否可促進全球和平穩定？► 立即投票
